Ek Ghazal

Ek ghazal tere liye zaroor likhungi
Behisaab usme tera qasoor likhungi

Tu guftaar ka mahir, tu kirdaar ka mahir
Phir husn ko tere, tera guroor likhungi

Toot gaye bachpan ke tere sare khilone
Ab dilon se khelna tera dastoor likhungi

Raha ishq ka daawa tujhe tamam umar
Wafa ki dehleez se tujhe mafroor likhungi

Khud sakhta jo hai tera judayi ka faisla
Aise har iqdaaam ko na manzoor likhungi

Mujhe kehne ki adat nahi, likhne ka shauq hai
Jazbaat ko apne qalam ki taseer likhungi

Tera wajood, mera wajood mujhe ek sa lage
Par tujhe main khud se bohat door likhungi